كان فيه أسد و نمر و أرنب ..........
كان الأسد ملك الغابة _ و مازال طبعا _
و كان النمر دايما بيضرب الأرنب على قفاه كل ما يشوفه و لما الأرنب يسأل النمر ليه بتضربنى يقوله: أصل قفاك عاجبنى فيها حاجة دى !!!!......
و كل شوية يروح النمر ضارب الأرنب الغلبان على قفاه و يقوله أصل قفاك عاجبنى .
طبعا الأرنب اتخنق قام رايح للأسد ملك الغابة يشتكيله النمر اللى كل شوية يضربه على قفاه فالأسد قاله :يعنى هو انت مبتعملهوش حاجة ؟؟؟؟
الأرنب : لا و الله
الأسد :ماشى يا باشا هشوفلك الحكاية دى و مش هيضريك تانى ان شاء الله
الأسد استدعى النمر و قاله ايه يا عم حكاية الأرنب اللى انت كل شوية تتسلى على قفاه ده هو عملك ايه
النمر : ايه يعنى هو لازم يعملى حاجة كل ما فى الموضوع ان قفاه عاجبنى .. هو ده مش كفاية علشان أضربه على قفاه ؟؟؟؟؟؟؟
الأسد : بس برده أهل الغابة يقولوا عليينا ايه ؟؟ لازم يكون فيه سبب علشان باقى الحيوانات ميقوموش علينا
النمر : طب أجيب سبب منين السبب الوحيد اللى عندى ان قفاه عاجبنى
الأسد : ممممممم هقولك حاجة قوله مثلا انه يجيبلك تفاحة و لما يجيبلك تفاحة حمرة قوله لأ انت كنت عايزها خضرة و لو جابهالك خضرة قولك انك كنت عايزها حمرة و بكده يبقى ليك الحق طبعا انك تضربه على قفاه
================================================== ==============
النمر اقتنع بالفكرة و راح للأرنب و قاله : يا أرنوب جيبلى تفاحة
الأرنب : عايزها حمرة و لا خضرة
النمر : يوووووووووووه بقولك انت تعبتنى معاك ... انت قفاك عاجبنى *طاااااااااااااااخ*
الخميس أغسطس 21, 2008 8:05 pm