بداية مش عاوز اى بنت زملكاوية تزعل منى كلنا اخوات بس قدرك انك تكونى زملكاوية
نشــوف الفرق الجـامد بقــى بين البنت الاهلاوية والبنت الزملكاوية..
ازاى فى رايكو ممكن تكون البنتالاهلاويةطبعا هذه البنت وهى نايمة فى الاوضه بتاعتها الدبدوب والارنوب كلهم فى احضانها ولو قامت من النوم تقوم الساعة واحدة الظهر اول ما تصحى من النوم تفتح الستارة والشباك علشان الاوضه تتنفس وتشغل موسيقى رومانسية علشان يكون الجو رايق وتاخذ حمام محترم وبعد ما تطلع من الحمام على المراية تحط الكريمات والميكياج .. لازم تحافظ على البشرة .. خلصت من المراية وتتجه الى السشوار وبعدين تلبس البنطلون الجينز والبلوزة .. وتنزل تاكل الفطار اللى يكون عبارة عن عصير برتقال وكورنفلكس وحاجات خفيفة نضيفه طبعا...
البنت الزملكاوية:
تقوم الساعة 8 الصبح وهى مش عايزه تقوم اساسا تقوم وتدخل امها عليها بالغرفة وتصرخ وتقول قومي شبعتي نوم ترد الدفشة على امها .. طيب طيب هقوم اهو وتقعد تتاوب ويطلع من بوقها نار .. بالاضافة الى انها وهى نايمة كل دقيقة توقع من على السرير .. وبعدين يدخل اخوها الصغير ويصرخ كفاية نوم .. ترد عليه : اطلع من الاوضه والا هرميك من الشباك .. المهم اخوها اللى اكبر منها يروح لها الاوضه يرفسها وبعد الرفسة العنيفة دى تصحى من النوم .
البنت الاهلاوية:
ما تتغدا الا الساعة 4 ولا 5 وتتغدى عيش او ( توست ) دايت او بيض مسلوق وسلطة تحافظ على رشاقتها
البنت الزملكاوية:
تتغدا الساعة 12 بالضبط وما تتغداش غير كرشه وكوارع ولحم او فراخ واذ خلصت تشرب البيبسى شفطة واحدة
البنت الاهلاويةما تطلعش إلا بليل كده عشان تحافظ على البشرة من ضوء الشمس
البنت الزملكاوية:
تطلع الساعة 2 عزّ الظهر وتروح مشي لبيت قرايبها لحد لما تبقى فحمه من الشمس
البنت الاهلاوية
لو عايزه تضحك تقول ( هههههههههه) واديها على بوقها من الخجل والضحكة من الصعب انك تسمعها
البنت الزملكاوية
ها ها ها ها .. والحارة الثانية والعيلة بالليلة تسمعها
البنت الاهلاوية
اذا تحب تسمع اغانى متسمعشى عربى بتسمع لريكى مارتن طبعا لانه حلو وممثلها المفضل توم كروز لانه امور وميل جبسون وجيم كارى لخفة دمهم
البنت الزملكاوية
ممثلها المفضل توفيق الذقن ومحمود المليجي وبتسمعش غير شعبان عبد الرحيم. واةةة وعبد الباسط حمودة وادينى قلبك وخد قلبى
البنت الاهلاوية
لما تتفرج على التلفزيون تقعد على الكرسي وتحط رجل على رجل وتبتسم لان الابتسامة تضفي بشاشة على الوجه
البنت الزملكاوية
تتبطح على الارض وتحط رأسها على المخدة وتمد رجليها وتحطها على التلفزيون ولو تغير القناة بتخبط التلفزيون بصباع رجلها اللي مش قاصّة ضافرها من العيد الصغير.
البنتالاهلاوية:
فى نهاية الموضوع تقول تشاو .. او سى يو .. او بباى
البنت الزملكاوية
فى نهاية الموضوع تقول طريق السلامة يا زميلى
ومش عايز حد يزعل منىبليييييييييييز
الخميس أغسطس 21, 2008 8:11 pm